ചങ്ങരംകുളം:ഒതളൂർ സ്വദേശിയായ യുവാവിനെ കോക്കൂരിലുള്ള സുഹൃത്തിൻ്റെ വീട്ടിൽ മരിച്ച നിലയിൽ കണ്ടെത്തി.ചങ്ങരംകുളം ഒതളൂർ സ്വദേശി 29 വയസുള്ള മണിയാറംകുന്നത്ത് ഷംസുദ്ധീൻ ആണ് മരിച്ചത്.കോക്കൂരിലുള്ള സുഹൃത്ത് വിഷ്ണു‌വിൻ്റെ വീട്ടിലാണ് ഷംസുദ്ധീനെ തൂങ്ങി മരിച്ച നിലയിൽ കണ്ടെത്തിയത്.
വിഷ്ണുവും അച്ചൻ വിജയനും മാത്രം താമസിച്ച് വന്ന കോക്കൂർ സ്‌കൂളിന് സമീപത്തുള്ള വീട്ടിലാണ് ഏതാനും ദിവസമായി ഷംസുദ്ധീൻ താമസിച്ചിരുന്നത്.ബുധനാഴ്‌ച ബന്ധുവിന്റെ വിവാഹ ചടങ്ങിൽ പങ്കെടുത്ത് രാത്രിയോടെ തിരിച്ച് വന്നപ്പോഴാണ് ഷംസുദ്ധീനെ വീടിനകത്ത് തൂങ്ങി മരിച്ച നിലയിൽ കണ്ടത്.
കൊല്ലത്തു യുവതിയെ വിവാഹം ചെയ്ത ഷംസുദ്ധീൻ വീട്ടിൽ നിന്ന് പിണങ്ങി ഏതാനും മാസങ്ങളായി പന്തളം ഭാഗത്താണ് താമസിച്ച് വന്നത്.ഭാര്യ കുവൈറ്റിൽ നഴ്‌സ് ആയി ജോലി ചെയ്യുകയാണ്.ഷംസുദ്ധീനും കുവൈറ്റിലേക്ക് പോവാനുള്ള നടപടിക്രമങ്ങൾ നടത്തി വന്നിരുന്നതായി സുഹൃത്തുക്കൾ പറഞ്ഞു.ഭാര്യയുമായുള്ള പിണങ്ങിയതിനെ തുടർന്ന് ആത്മഹത്യ ചെയ്‌തതാവാം എന്ന നിഗമനത്തിലാണ് പോലീസ്.ചങ്ങരംകുളം പോലീസ് ഇൻക്വസ്റ്റ് നടത്തി പോസ്റ്റുമോർട്ടത്തിന് ശേഷം മൃതദേഹം ബന്ധുക്കൾക്ക് വിട്ട് നൽകും
Social Plugin